21 Januarie 2025
Donald Trump het op die eerste dag van sy tweede termyn as die Amerikaanse president ’n rits uitvoerende bevele onderteken, slegs ure nadat hy ingehuldig is.
Hy het reeds op dag een van sy presidentskap gewys dat hy omstrede beloftes wat hy in sy veldtog oor onder meer immigrasie, diversiteit, gelykheid en TikTok gemaak het, nakom.
TikTok het in ‘n verklaring bevestig dat sy videoplatform weer in Amerika aanlyn is, nadat Trump die nodige versekering aan die maatskappy se diensverskaffers gegee het.
Een van die onverwagse bevele wat hy onderteken het, is Amerika se ontrekking uit die Wêreldgesondheidsorganisasie.
Die onttrekking van Amerika sal die finansiering vir die WGO drasties besnoei. Trump meen die WGO het die Covid-19-pandemie en ander internasionale gesondheidskrisisse verkeerd hanteer.
