1 April 2021
Inwoners van Pretoria is verlede jaar tydens Paasnaweek bederf met ‘n trompetgeskal, wat vanaf die Bronberg oor luidsprekers oor dié hoofstad weergalm het.
Die Tshwane-metro het weer vanjaar goedkeuring gegee vir hierdie pragtige bederf, die Jesus is Koning-trompetgeskal.
Daar is egter bewerings dat die korrekte prosedures nie gevolg is vir hierdie trompetgeskal om plaas te vind nie.
Volgens die DA-raadslid, Jacqui Uys is die permit goedgekeur en luidens die DA se beleide sal die party altyd enige gebeurtenis ondersteun wat binne die raamwerk van die wet gedoen word.
Die trompetgeskal kan Sondag 4 April om 08:00, 12:00 en 16:00 gehoor word en sal elk vir drie minute duur.
Uys sê enige persoon, wat nié ten gunste is van dié trompetgeskal nie kan hulle klagtes stuur na [email protected] en dit sal vir volgende jaar se trompetgeskal oorweeg word.
Kyk hier onder na verlede jaar se mooi klanke.
