9 Oktober 2023
Die transito-vereniging van Suid-Afrika, Citasa, het sy kommer uitgespreek oor ‘n 30% toename in transitorooftogte tot dusver vanjaar.
Volgens die vereniging hou dié styging nie verband met die tradisionele toename in rooftogte wat oor die feestyd waargeneem word nie en is dit verdere rede tot kommer.
Volgens die jongste Citasa-verslag het die bedryf ‘n totaal van 249 transito-rooftogte regoor die land gesien – vanaf Januarie vanjaar tot op hede.
Dit is in vergelyking met net 191 in dieselfde tydperk in 2022 en 188 in 2021. Volgens Citasa vind die meeste transitorooftogte in Gauteng en die Oos-Kaap plaas, met Mpumalanga en Limpopo kort op hulle hakke.
