14 April 2021
Die toediening van die Johnson & Johnson Covid-19-entstof is tydelik gestaak, totdat daar groter duidelikheid kom oor ’n moontlike verband tussen dié entstof en ’n seldsame siektetoestand.
Die minister van geosndheid, dr. Zweli Mkhize sê die besluit spruit uit kommer omdat die Amerikaanse gesondheidsreguleerders vroeër die dag dieselfde stap in Amerika aangekondig het.
Ses vroue in Amerika het skaars bloedklonte tesame met lae bloedplaatjievlakke ontwikkel, nadat hulle met die J&J-entstof ingeënt is.
Meer as 6.8-miljoen mense in die VSA is reeds met die Johnson & Johnson entstof ingeënt.
Mkhize het benadruk dat Suid-Afrika die besluit slegs as voorsorgmaatreël geneem het en dat dit nie sy inentingsprogram behoort te ontwrig nie.
