24 April 2023
Die Keniaanse polisie het reeds 47 liggame naby die kusdorpie, Malindi, opgegrawe, terwyl hulle ondersoek instel na ‘n leke-prediker – wat glo aan volgelinge gesê het om hulself tot die dood toe uit te honger om Jesus tegemoet te gaan.
Enkele kinders tel ook onder die slagoffers.
Volgens die polisie is die opgrawings nog aan die gang en kan die dodetal styg.
Die vlak grafte is in die Shakahola-woud gevind, waar vyftien lede van die Good News International Church verlede week gered is.
Die kerkleier, Paul Makenzie Nthenge, is in aanhouding, hangende ‘n hofverskyning.
