1 November 2021
‘n 16-jarige tienerseun en graad 10-leerling van die Hoërskool Sentraal in Bloemfontein is die afgelope naweek in ‘n fratsongeluk op sy ouers se plaas in die Christiana-distrik in Noordwes dood.
Hanru Posthumus het Saterdagoggend omstreeks 08:00 sy pa, Gerhard se geweer skoongemaak voordat dié twee sou gaan jag het. Volgens Netwerk24 het ‘n skoot afgegaan.
Die polisiewoordvoerder, kolonel Adelé Myburgh sê Hanru is in sy kop getref en is op die toneel dood verklaar. Die Hoërskool Sentraal se skoolhoof, Charles Liversage sal na verwagting vandag die gesin besoek.
Ouers, leerlinge en personeel van die skool het gisteraand foto’s van kerse op sosiale media plaas ter nagedagtenis aan Hanru. Hy laat sy ouers, Gerhard, ma Lizelle’n ouer suster en ‘n ouer broer agter.
Stem vir die Aitsa’s
