28 Julie 2022
Die kanselier van die Universiteit van Suid-Afrika (UNISA) en oudpresident, Thabo Mbeki, het sy stem gevoeg by oproepe – dat die voortgesette ondersoek na die doodsoorsaak van die een-en-twintig slagoffers van die Enyobeni-taverne-tragedie in Oos-Londen – in die Oos-Kaap spoedig afgehandel moet word .
Mbeki het tydens ‘n gradeplegtigheid van die Universiteit van Suid-Afrika in dié stad hulde gebring aan die families van die slagoffers wat verlede maand dood is.
Polisie se forensiese deskundiges het gesê metanol is in al die liggame van die oorledenes opgespoor, maar dit was nie genoeg om hul dood te veroorsaak nie.
Die ondersoek na die oorsaak van die sterftes is nog nie afgehandel nie.
