24 Julie 2024
Die sogenaamde Facebook-verkragter, Thabo Bester, sy voormalige meisie, dr. Nandipha Magudumana en sewe medebeskuldigdes het vanoggend in die hooggeregshof in Bloemfontein verskyn vir die voorverhoor.
Bester word saam met sy medebeskuldigdes daarvan aangekla dat hy in Mei 2022 uit die Mangaung-gevangenis in Bloemfontein ontsnap het.
Die saak is tot volgende Woensdag, 31 Julie uitgestel omdat twee van die beskuldigdes se regsverteenwoordiger van die verhoor onttrek het.
Die twee voormalige werknemers van G4S, wat die gevangenis bestuur het, Senohe Matsoara, en Tieho Makhotsa se regsverteenwoordiger het weens finansiële redes van die saak onttrek. Bester, Magudumana, en ‘n ander verdagte bly in aanhouding.
