22 Junie 2022
Die Robb Elementary Skool in Uvalde, Texas waar 19 leerlinge en twee onderwysers in Mei doodgeskiet is, gaan gesloop word.
Uvalde se burgemeester, Don McLaughlin het die aankondiging gemaak tydens ‘n sitting waartydens hy woedende ouers se vrae moes beantwoord. Ouers eis glo antwoorde nadat die polisie tydens die voorval op 24 Mei glo vir ‘n uur op die toneel gewag het voordat hulle die verdagte in hegtenis geneem het.
LEES OOK: 19 KINDERS, 2 ONDERWYSERS DOOD NÁ TEXAS-SKIETVOORVAL
McLaughlin sê die verwagting is dat geen van die skool se 600 leerlinge sal wil terugkeer nie.
Hy meen dit sal onsensitief wees vir die stad om te verwag dat kinders en onderwysers weer na die skool moet terugkeer, waar so veel van hulle maats en kollegas ‘n maand gelede wreed doodgeskiet is.
