Tendens – om onreëlmatige uitgawes af te skryf – steek kop by munisipaliteite uit

Die ouditeur-generaal het gewaarsku teen ‘n nuwe tendens wat by munisipaliteite kop uitgesteek het waar onreëlmatige uitgawes afgeskryf word.

In ‘n voorlegging aan die parlement se staande komitee oor openbare rekeninge, SKOOR, het die OG se Bongi Ngoma gesê dat munisipale rade dan geen ondersoeke instel daaroor nie.

Volgens Ngoma is daar ook geen gevolge vir die verantwoordelike partye nie.

Die gevolg is dat dié besluite slegs deur ‘n hof omgekeer kan word wat ‘n tydsame en duur proses is wat nie altyd gevolg word nie.

Die portefeuljehoof in die kantoor van die OG, Sharon Adams, het verwys na ’n geval in ’n Noord-Kaapse munisipaliteit.