Die Afrikaanse Taalraad (ATR) het die jongste organisasie geword wat ‘n ondersoek eis nadat die Afrikaanse nuusbulletin nie in sy gereelde tydsgleuf op ‘n Saterdagaand uitgesaai is nie.
Afrikaanse nuuskykers het Saterdagaand, 5 April, om 18:15 oudergewoonte gewag vir die nuus om op SABC2 te wys, wat nooi gebeur het nie. Die Suid-Afrikaanse uitsaaikorporasie het in reaksie op die gebeure gesê dat die nuus weens ‘n skeduleringsfout nié uitgesaai is nie.
Dit is ook nie op die Sondagaand uitgesaai nie. Pretoria FM, en die afgelope naweek se Rapport het berig dat daar glo ‘n duidelike bewyse is dat die SABC doelbewus besluit het om die Afrikaanse nuus te sny.
Die ATR sê in ‘n verklaring die vraag moet gevra word wat die werklike besluit vir hierdie verwikkeling was, en indien dit finansieel van aard is, “wat is die implikasie vir Afrikaans of ’n kleiner taal soos Sesotho?”
Die Taalraad sê hy eis ‘n verduideliking, en meen ‘n onafhankllie ondersoek, is duidelik die aangewese weg. Die eerste stap is ’n klag by die Pan-Suid-Afrikaanse-Taalraad (PanSAT). Taal- en kultuurorganisasies moet egter hierby ingesluit word.
