22 September 2023
Suid-Korea het vier wetsontwerpe by ‘n nasionale vergadering goedgekeur, om onderwysers teen ouers te beskerm.
Die doel van dié wette is om die werksomgewing van onderwysers in dié land te beveilig.
Talle mense in onderwys het glo al hulle eie lewe geneem, na aanleiding van kwaadwillige klagtes wat hulle van ouers ontvang het. Onderwysers en ander rolspelers in die onderwys het die afgelope ruk betoog weens hulle bekommernisse.
Onderwysers kon voorheen dadelik uit hulle poste geskors word, wanneer ouers of leerlinge klagtes teen hulle indien, sonder ‘n geleentheid om hulle kant van die saak te stel.
Die nuwe wetgewing sal keer dat skoolhoofde enige emosionele mishandeling kan toepas of die skending van onderwysers se regte minimaliseer.
Dissiplinêre stappe wat teen leerlinge wat skoolreëls oortree gedoen word, sal ook nie meer as kindermishandeling beskou word nie. Onderwysvakbonde het die aankondiging verwelkom.
