Die burgerregtegroep, AfriForum het ’n skrywe aan Eskom gerig om duidelikheid te vra oor die wetlike raamwerk wat die verpligte registrasie van privaatkragopwekking behels.
Die registrasie geld vir sakeondernemings en privaat-huishoudings met ‘n opwekkingsvermoë van minder as 50-kiloWatt.
Volgens die bestuurder van plaaslike-regeringsake by AfriForum, Morné Mostert, lyk dit asof Eskom voortgaan om Suid-Afrikaners in ’n toestand van onsekerheid te hou oor die toekoms van alternatiewe kragopwekking.
“Die onlangse aankondiging wat vereis dat alle Eskom-kliënte as SSEG’s moet registreer as hulle aan die kragnetwerk gekoppel is en alternatiewe kragbronne gebruik, het baie Suid-Afrikaners met meer vrae as antwoorde gelaat,” sê Mostert.
Hy sê die toenemende rol wat kleinskaalse kragopwekking in energiesekerheid speel, maak dit noodsaaklik dat daar duidelike en wetlike regverdigings vir Eskom se toepassingsmaatreëls verskaf word.
Volgens hom soek AfriForum ook duidelikheid oor die regsgrondslag vir die oplegging van boetes of strawwe aan gebruikers wat nie aan hierdie registrasievereistes voldoen nie.
“Gegewe die toenemende rol wat kleinskaalse kragopwekking in energiesekerheid speel, is dit noodsaaklik dat Eskom duidelike en wetlike regverdigings vir sy toepassingsmaatreëls verskaf,” sê Mostert.
2 Responses
https://www.tshwane.gov.za/?p=70218
Reading this post creates the impression that they only want those who want to feedback into the grid to register their solar system.
https://www.tshwane.gov.za/?p=70218