9 Maart 2023
‘n Suid-Afrikaanse vrou het oor die afgelope ses maande 150 liter se borsmelk aan Netcare se Ncelisa-borsmelkbanke geskenk om 30 kwesbare babas te voed.
ontvang het.
Volgens ‘n Netcare-verklaring kan dié babas vir verskeie redes nie hulle eie moeders se borsmelk ontvang nie. Die nasionale koördineerder vir Netcare Ncelisa, Verena Bolton sê die Wêreld Gesondheidsorganisasie (WGO) beveel aan dat babas borsmelk moet kry vir die eerste ses maande van hulle lewe omdat dit die nodige voedingstowwe bevat.
Die skenker, Geraldene Stumke sê na die geboorte van haar tweede kind het sy begin om oortollige borsmelk te vries omdat sy besef het dat sy ‘n positiewe verskil kan maak in die lewens van babas wat mediese sorg benodig.
“Ek moes toetse ondergaan en kon toe my eerste 17 liter melk skenk.”
Volgens Bolton het 3230 babas al geskenkte melk ontvang sedert die Netcare Ncelisa borsmelkbank in 2017 op die been gebring is.
