19 Oktober 2022
Die enigste masjien wat rybewyse in Suid-Afrika kan druk is weer stukkend. Dit beteken dat voertuigbestuurders weer eens langer sal moet wag wanneer hulle hul rybewyse hernu. Dit is die tweede keer in minder as ‘n jaar dat die masjien gebreek het.
LEES OOK: DRUKKER VIR RYBEWYSE TERUG IN SA
Volgens die Oos-Kaapse waarnemende hoof van vervoerregulasies, Xolisa Jakula is pogings aan die gang om te sorg dat die masjien voor die einde van die week herstel word. Die masjien is al twee weke buite werking.
Toe die masjien in November 2021 gebreek het, was dit tot die einde van Januarie die volgende jaar buite werking.
LEES OOK: MOTORISTE MET VERVALDE RYBEWYSE IN DOODLOOPSTRAAT
Die masjien is so oud dat dit blykbaar die enigste van sy soort ter wêreld is wat nog gebruik word.
