25 Augustus 2023
Die voorsitter van die adhoc-komitee wat ‘n nuwe openbare beskermer moet aanwys, die ANC-LP Cyril Xaba, is vol vertroue dat ‘n geskikte kandidaat teen aanstaande Dinsdag (29 Augustus) bekend gemaak sal word.
36 kandidate is vir die pos oorweeg, maar slegs agt het die kortlys gehaal.
Die komitee het gister die finale onderhoudsproses afgehandel, waarna ‘n voorstel vir ‘n kandidaat aan die parlement gemaak sal word.
Die geskorste openbare beskermer, advokaat Busisiwe Mkhwebane se termyn loop op 31 Oktober ten einde.
Xaba sê hy hoop die Nasionale Vergadering sal die nominasie teen middel September aan die president voorlê.
