Die Solidariteit Navorsingsinstituut is van mening dat die voorgestelde Nasionale Gesondheidversekering hopeloos te duur gaan wees en dat die land dit nie kan bekostig nie.
Luidens ‘n verslag wat vanoggend deur die instituut bekend gestel is, gaan die begrotingstekort met tot 32-miljard-rand groei as die regering se konserwatiewe projeksies gevolg word.
Die verwagte begrotingstekort – volgens dié verslag – sal egter nadar aan ‘n honderd-en-twaalf-miljard-rand wees.
Die NGV-wetsontwerp beoog om die huidige tweevlakstelsel in ’n enkele stelsel om te skakel waarvolgens alle Suid-Afrikaners toegang tot óf openbare óf privaat gesondheidsorg sal kry.
Die koste sal dan deur die NGV-skema gedra word.
Die volledige verslag sal binnekort op die instituut se webblad beskikbaar wees.
