19 Oktober 2023
Die ANC se sekretaris-generaal Fikile Mbalula sê die party beveg beurtkrag vir die land en die ekonomie, en nie om stemme vir volgende jaar se verkiesing te werf nie.
Mbalula sê die ingrypings wat vanuit die Nasionale Uitvoerende Komitee (NUK) voorgestel is, het tot dusver vrugte afgewerp.
Volgens hom het hulle gehoop dat die beurtkrag krisis teen Desember opgelos gaan word, maar hy sê hy hoop dat dit selfs nou vroeër opgelos kan word. Hy sê die NUK het ook bevind dat die aanstelling van die minister van elektrisiteit, dr. Kgosientsho Ramokgopa vrugte afgewerp het.
Mbalula het genoem dat die NUK bekommerd is oor die diefstal van en vandalisme aan kraginfrastruktuur in veral Gauteng.
