6 September 2023
Die Ekurhuleni-metro in Gauteng wil beskadigde verkeersligte met stoptekens vervang.
Die plan volg nadat dit glo te duur is om dit te herstel en die metro in die vorige boekjaar tot einde Junie 2022 nagenoeg R120-miljoen daaraan moes bestee.
Die verkeersligte word glo as gevolg van botsings, diefstal en vandalisme beskadig.
Alhoewel die stoptekens ‘n tydelike maatreël is, sal sommige verkeersligte moontlik permanent vervang word.
Daar is meer as 1 300 verkeersligte in die Ekurhuleni-metro.
Foto: BBC
