Suid-Afrika is die gevaarlikste land in die wêreld om in te bestuur.
Dit is volgens ’n verslag van die bestuurdersopleidingsplatform, Zutobi, wat die verslag saam stel deur te kyk na die gemiddelde hoeveelheid padongelukke wat in die betrokke lande plaasvind.
Die verslag werp die kalklig op die land se padsterftesyfer van 24,5% padsterftes per 100 000 mense.
Dis die tweede agtereenvolgende jaar wat Suid-Afrika eerste op dié lys verskyn. Die studie het spesifieke melding gemaak van die groot hoeveelheid motorbestuurders in Suid-Afrika wat nié hulle sitplekgordels gebruik nie. Slegs 31% van bestuurders en hulle voorste passasiers dra sitplekgordels in vergelyking met Noorweë waar 97,8% van sitplekgordels gebruik maak.
Thailand is volgens die verslag die tweede onveiligste om in te bestuur, gevolg deur Amerika. Die vierde gevaarlikste op die lys is Argentinië, en in die vyfde gevaarlikste plek is Indië.
Dit is egter belangrik om te noem dat ander Afrika lande nié op die lys ingesluit is nie weens die tekort aan beskikbare data.
Noorweë is die veiligste land om in te bestuur, gevolg deur Ysland en Japan.
3 Responses
Sover my kennis strek is Nigeria die gevaarlikste plek in Afrika om te bestuur, lekker soon India en Brazil is beslis ook hoog op so n lys
Wel ek stem saam!! Want kyk hoe ry die taxies en verkeers amptenare doen niks sal eerder omkoop geld soek by onskuldige padgebruikers
Wel ek stem saam!! Want kyk hoe ry die taxies en verkeers amptenare doen niks sal eerder omkoop geld soek by onskuldige padgebruikers
En verkeers owerhede fouteer opsigtelik