19 Mei 2022
Die burgerregteorganisasie, AfriForum, dien vandag hofstukke in om die vereiste – dat bestuurderslisensiekaarte elke vyf jaar hernu moet word – teen te staan.
Hulle wil hê dat hierdie vereiste ongeldig verklaar en hersien moet word.
AfriForum eis ’n verklarende bevel dat die Nasionale Padverkeerswet en die meegaande regulasies – in soverre dit die hernuwingstydperk vir bestuurderslisensiekaarte tot vyf jaar beperk – ultra vires, onredelik, arbitrêr en vaag is.
Die organisasie eis verder ’n verklarende bevel dat motoriste nie kragtens dié wetgewing gepenaliseer of beboet mag word omdat hulle nie in besit is van ’n hernude bestuurderslisensiekaart is nie, aangesien so ’n boete nie bestaan nie.
Reiner Duvenhage, die veldtogbeampte vir strategie en inhoud by AfriForum sê die huidige wetgewing is onvoldoende om die teenswoordige optrede te regverdig.
