27 Augustus 2021
Die departemente van gesondheid en basiese onderwys het lede van die publiek gewaarsku teen ‘n stemboodskap wat die rondte doen – waarin daar beweer word dat die regering probeer om ouers te oorreed om hulle kinders by die skool teen Covid-19 te laat inent.
Dié departemente sê die vorm wat wel gesirkuleer word is ‘n standaard toestemmingsvorm en dat geen entstof in die land tans goedgekeur is om op kinders onder 18 jaar oud te gebruik nie.
Die gesondheidsdepartement se woordvoerder, Foster Mohale sê die bogenaamde vorm is vir roetine inentings soos masels, witseerkeel en polio en sluit nié die Covid-19-inenting in nie.
Hy sê indien die entstof in skole voorsien word sal die toestemmingsvorm opgedatteer word en sal ouers en voogde ingelig word.
Die oorsprong van die stemposboodskap is nog nie geïdentifiseer nie en owerhede het weereens lede van die publiek gewaarsku om nie fopnuus te versprei nie.
Hou Afrikaans op die lug
