11 Julie 2023
Die omstrede Stasiemoordenaar – in Engels bekend as die Station Strangler, Norman “Afzal” Simons – sal na verwagting volgende week op parool vrygelaat word.
Simons het byna drie dekades agter tralies deurgebring nadat hy in 1995 aan die moord op die 10-jarige, Elroy van Rooyen skuldig bevind is.
Hoewel hy destyds van tot soveel as 22 moorde en verdwynings verdink is – kon dit nie bewys word nie. Tussen 1986 en 1994 is die liggame van 22 jong seuns in vlak grafte in Mitchells-plein gevind.
Die “Daily Voice” sê die departement van korrektiewe dienste het vergaderings met die polisie van Mitchells-plein en verskeie gemeenskapsorganisasies belê om die besonderhede van Simons se vrylating op die 20e Julie te bespreek.
Hulle het glo reeds met Van Rooyen se familie gepraat en sal nou ook met die ander families vergader.
