1 Julie 2021
Diana of die prinses van harte, soos sy ook bekend gestaan het, sou vandag 60 jaar oud geword het. Om dié dag te herdenk is ‘n standbeeld in die gesonke tuin van Kensingtonpaleis in Londen onthul.
Sy is op 31 Augustus 1997 dood nadat sy in Parys, Frankryk in ‘n motorongeluk betrokke was.
Dié standbeeld van Diana is veronderstel om die alomvattendheid van haar liefdadigheidswerk, asook die impak daarvan op alle generasies ten toon te stel.
Volgens die koerant, die Independent poog die standbeeld daarin om haar “warm persoonlikheid, elegansie en energie” uit te beeld asook die groot uitwerking wat sy op baie mense se lewens gehad het.
Die styl en rok, wat die standbeeld aan het, reflekteer die laaste jare van haar lewe. Die standbeeld in brons, is deur die kunstenaar, Ian Rank Broadley gemaak.
