6 Februarie 2025
President Cyril Ramaphosa het in sy staatsrede aangekondig dat die regering ’n proses gaan onderneem om die plaaslike regeringsmodel te hersien.
Die befondsingsmodel vir munisipaliteite sal ook hersien word.
Ramaphosa het in sy toespraak gesê dat munisipaliteite in duie stort, omdat baie van hulle nie die begroting het om normale dienste te lewer nie.
Dit is deel van die regering se plan vir die volgende vyf jaar.
Ramaphosa sê dit vorm deel van die plan om inklusiewe groei te bewerkstellig, om armoede en werkloosheid hok te slaan en om ’n effektiewe regering te skep.
