20 Maart 2024
Die minister van staatsdiens en administrasie, Noxolo Kiviet, het aangekondig dat staatsamptenare van 1 April af ‘n verhoging van 4,7% sal kry.
Kiviet sê die regering het verskeie faktore in ag geneem voordat die besluit geneem is. Volgens haar is dit belangrik om ‘n balans te vind tussen die behoeftes van die staatsamptenare, maar ook belastingbetalers se reg tot openbare dienste.
Sy het ‘n beroep op alle staatsamptenare gedoen om steeds dienste van die hoogste gehalte te lewer.
Sy sê ten spyte van ekonomiese- en begrotingsuitdagings moet die staat ook kundigheid behou en nie ervare werknemers aan die privaatsektor afstaan nie.
Die totale salarisse van staatsamptenare sal na verwagting teen 2027 styg tot meer as R820-miljard.
