4 Mei 2022
Die bekende spotprenttekenaar, Fred Mouton, het sy stryd teen kanker verloor.
Mouton – wat in 1970 by Die Burger begin werk het – is in ‘n hospitaal in Bellville, Kaapstad, oorlede.
Sy spotprente is onder andere ook in tydskrifte soos Landbouweekblad en Weg! gepubliseer.
Hy is vier jaar gelede met kanker gediagnoseer, maar het steeds tot kort voor sy dood spotprente vir Die Burger geteken.
Mouton het meer as 10 000 spotprente in sy loopbaan – wat oor meer as vyftig jaar gestrek het – geskep.
