19 Mei 2022
‘n 25-jarige man is gistermiddag in hegtenis geneem nadat hy teen ‘n spoed van 234 kilometer per uur op die N1-suid buite Mookgophong in Limpopo gery het.
Die LUR vir vervoer en gemeenskapsveiligheid in Limpopo, Mavhungu Lerule-Ramakhanya het dié optrede veroordeel en meen die soort “roekelose en nalatige bestuur” stel mense se lewens in gevaar.
Sy sê die man is by Naboomspruit-polisiestasie aangehou nadat hy omstreeks 16:00 gistermiddag vasgetrek is.
Volgens Lerule-Ramakhanya word die meeste noodlottige ongelukke in dié provinsie deur spoed, roekelose en nalatige bestuur veroorsaak.
