22 Junie 2023
Die burgerregtegroep, AfriForum het die nuwe sperdatum vir inskrywings van leerders wat volgende jaar in graad 1 of 8 in Gautengse openbare skole moet wees, verwelkom.
Die aanvanklike sluitingsdatum vir aansoeke is met ’n week verleng tot 21 Julie 2023 en ouers sal daarna nog tot 28 Julie tyd hê om die vereiste dokumente aanlyn of by die skole van hul keuse in te dien.
Volgens AfriForum se hoof van Kultuursake, Alana Bailey, is dit goeie nuus vir ouers wat graag die dokumente persoonlik by skole wil indien, maar deur die gebrek aan tyd voor die winterskoolvakansie gepootjie word.
Sy sê ouers moet nie sloer met die aansoeke nie.
“Weens die Gautengse onderwysdepartement se onvermoë om voldoende skole in die provinsie te bou om aan die aanvraag te voldoen, is dit ’n feit dat vele kinders weer vanjaar nie dadelik plek in skole sal kry nie,” sê sy.
