24 Januarie 2022
Die leier van die VF Plus, dr. Pieter Groenewald, het ‘n beroep op die minister van verdediging, Thandi Modise gedoen om oop kaarte te speel oor die brand wat gisteraand by die brandstofopgaarplek van die Waterkloof Lugmagbasis uitgebreek het.
Groenewald het daarop gewys dat daar onlangs verskeie brande by staatsinstellings was en sê daar moet gekyk word of die voorvalle georkestreerd is en met mekaar verband hou.
Hy sê daar moet ook indringende vrae gevra word oor die veiligheid by dié persele.
Volgens Groenewald sal dit verreikende gevolge hê ongeag of die brand ‘n ongeluk was en of dit aan sabotasie toegskryf kan word.
