9 Junie 2021
Inwoners van Soweto hou vanoggend ‘n plakkaatbetoging buite Eskom se hoofkantoor, Megawatt Park in Sunninghill, Johannesburg oor beweerde herhaaldelike kragonderbrekings in Soweto.
Betogers het die Witkoppen pad buite Megawatt Park gesluit. Hulle beweer ook dat hulle “bykomende beurtkrag” ontvang.
Volgens berigte is die situasie gespanne met polisiebeamptes wat klippe en ander versperrings verwyder het nadat betogers die pad gesluit het.
Intussen het Eskom vroeër aangekondig dat fase 2-beurtkrag om 10 uur vanoggend ingestel moet word en dat dit tot Sondagaand om 10 uur sal duur.
