18 Junie 2021
Die vakbond Solidariteit het aangekondig dat hy werkgewers wat werknemers afdank, oor hulle keuse om nie ingeënt te word nie, hof toe sal vat.
Solidariteit het – na aanleiding van die nuwe regulasies wat in die Staatskoerant gepubliseer is – ’n eksterne regsopinie gekry wat bevestig dat werknemers ’n reg het om te kies om nie ingeënt te word nie en werkgewers mag hulle nie van hierdie keuse ontneem nie.
Solidariteit is van mening dat daar sekerheid in die direktief van die departement gegee word dat werknemers die reg het om die entstof op grond van grondwetlike-, liggaamlike- en integriteitsredes te weier, en dat werkgewers alles in hulle vermoë moet doen om sodanige werknemers te akkommodeer.
Volgens Solidariteit sal dit ook onwettig van ’n werkgewer wees om inentings verpligtend te maak, sonder om individue se grondwetlike regte in ag te neem.
Volgens die bestuurshoof van Solidariteit, dr. Dirk Hermann, gaan nie hier oor ’n “vír of téén entstof”-debat nie, maar oor vryheid om te kan kies.
