20 Junie 2024
ʼn Lid van Solidariteit het sowat R140 000 in vergoeding ontvang nadat sy valslik van rassisme beskuldig is én toe afgedank is weens ontevredenheid oor hoe sy parkeerplekke aan personeellede toegeken het.
Volgens Solidariteit se adjunkbestuurshoof van regsake, Anton van der Bijl het die arbeidshof bevind daar is geen konkrete bewyse dat Brichard Pieterse, ʼn voormalige werknemer van South Bakels, opsetlik rassisties was toe haar toekenning van parkeerplekke aan personeel twee swart persone van hulle parkeerplekke ontneem het nie.
Van der Bijl meen daar was ʼn fout in die parkeerstelsel wat daartoe gelei het dat die betrokke persone hulle regmatige parkeerplekke volgens die indeling kwyt is. Volgens hom was Pieterse ongeveer 10 jaar lank by die maatskappy.
Hy sê ondanks van bewyse wat sy kon lewer oor hoe die proses hanteer is, is sy steeds afgedank. Solidariteit het hierna ‘n saak namens haar by die arbeidshof aanhangig gemaak.
Dié hof het bevind dat Pieterse haar nie aan rassisme skuldig gemaak het nie, maar bloot ʼn menslike fout begaan het.
