31 Mei 2024
‘n Belangrike hofuitspraak ten opsigte van die Kubaanse ingenieurs wat na Suid-Afrika ontplooi is, is vanoggend in die Noord-Gautengse hooggeregshof in Solidariteit se guns beslis.
Die bestuurshoof van Solidariteit, dr Dirk Hermann sê dit kom ná ’n hofstryd van nagenoeg drie jaar teen die regering se onregmatige aanstelling van Kubaanse ingenieurs in Suid-Afrika.
LEES OOK: LUISTER: “R14-MILJOEN PER JAAR VIR ELF KUBAANSE DOKTERS IN GAUTENG IS ONAANVAARBAAR”
Die aanstellings is in 2020 deur die minister van menslike nedersettings, water en sanitasie, Lindiwe Sisulu gedoen. Die hof het die aanstelling nou as onwettig verklaar.
Hermann meen die aanstellings is volgens hom as onnodig en oneties beskryf. Die 25 ingenieurs het Suid-Afrikaners volgens ’n destydse berekening nagenoeg R75-miljoen gekos.
“Verder is vasgestel dat die meeste van die geld wat deur die departement as vergoeding ooreengekom is, nie na die Kubaanse ingenieurs se sakke sou gaan nie, maar aan die Kubaanse regering oorgedra sou word.”
