24 Julie 2024
Die Solidariteit-beweging sê hy het daarin geslaag om een van die pilare van die Nasionale Gesondheidsversekering (NGV) in die hof om te stamp.
Volgens die bestuurshoof van Solidariteit, dr. Dirk Hermann is artikels 36 tot 40 van die Nasionale Gesondheidswet – wat die regering die mag gee om te bepaal waar mediese praktisyns mag praktiseer – deur die Noord Gauteng hooggeregshof ongrondwetlik verklaar.
Die uitspraak bepaal onder andere dat die omstrede sertifikaat van behoefte nie rasioneel is nie en dat die minister van gesondheid en die president van die land die koste van die aansoek moet dra.
Volgens Hermann sal hulle nou voortgaan met hulle regsgeveg teen die res van die NGV.
