17 Oktober 2022
Die vakbond Solidariteit is besig om regstukke voor te berei teen die farmaseutiese maatskappy, Dischem.
Dit volg na Dischem die naweek bevestig het dat hy volstaan by sy moratorium op die aanstelling en bevordering van wit personeel.
Die maatskappy sê in ‘n verklaring hy staan by sy toewyding om transformasie te dryf. “Die enigste rede hoekom hy die interne brief teruggetrek het, was oor swak bewoording.”
Solidariteit se bestuurshoof, dr. Dirk Hermann sê Dischem het rasmalheid in die privaatsektor na ‘n nuwe vlak geneem en hulle moet gestop word voor dit die nuwe norm word.
Hermann meen hy sal eerder sy plaaslike apteek ondersteun.
Intussen het ook die DA en ActionSA die moratorium veroordeel. Die leier van ActionSA, Herman Mashaba sê die party beskou ‘n brief deur Dischem se uitvoerende hoof, Ivan Saltzman as rassisties.
