Soektog na vermiste vliegtuig en drie insittendes begin

ʼn Grootskaalse soektog is in KwaZulu-Natal van stapel gestuur nadat ʼn ligte vliegtuig – met drie insittendes – Sondagaand vermis geraak het.

Hoewel die vliegtuig aanvanklik die middag van die Virginia-vliegveld af opgestyg het, het dit oor Ladysmith gevlieg en was dit veronderstel om óf op Pietermaritzburg óf Greytown te land.

‘n Woordvoerder van die Burgerlugvaartowerheid, Sisa Majola, het die voorval bevestig, maar kon nie veel meer inligting gee nie.

Die kantoor van die LUR vir vervoer en menslike nedersettings, Siboniso Duma het aangedui dat hy voordurend met die vlieënier se familie skakel.