26 Februarie 2024
Die soektog na die ses-jarige Joslin Smith van Saldanabaai in die Wes-Kaap gaan vir ’n sewende dag voort.
Dit volg nadat sy verlede Maandag (19 Februarie 2024) vermis geraak het terwyl sy in die sorg van haar ma se kêrel was.
Die polisie, gemeenskapslede en verskeie organisasies het die afgelope week na haar gesoek.
Die burgemeester van Saldanhabaai, André Truter, het intussen die Suid-Afrikaanse vloot genader om by die soektog aan te sluit. Truter sê hy is bemoedig deur die samewerking van gemeenskapslede in pogings om Smith op te spoor.
Intussen het die Saldanhabaai-munisipaliteit ‘n beloning van R20 000 uitgeloof vir enige inligting rakende Joslin se verdwyning. Dié beloning sal na verwagting binnekort tot R25 000 verhoog word nadat die munisipaliteit nog ʼn skenking ontvang het,
