30 Desember 2021
Die soektog na twee onderwysers van Ellisras is met ligdag hervat.
Mariëtte Weber en haar man Mof, wat al jarelank aan die Hoërskool Ellisras verbonde is, en ‘n seun wie se ouers ook by die dam gekampeer het, se boot is oor die wal van die Mokolodam deur sterk water meegesleur.
Die liggaam van die seun is reeds gevind asook wrakstukke van die boot.
Die hoof van Hoërskool Ellisras, Adriaan Joubert sê dit is ‘n absolute tragedie.
Hy hoop egter nog dat die twee lewend gevind sal word.
