25 Mei 2021
Die departement van gesondheid sê hy gaan nie nou kommentaar lewer oor die bewerings dat die minister van gesondheid, dr. Zweli Mkhize betrek word by bewerings van korrupsie, met betrekking tot kommunikasiewerk wat vir sy departement gedoen is nie.
Volgens die Daily Maverick koerant het dié maatskappy, Digital Vibes kontrakte ter waarde van R150-miljoen ontvang om Mkhize se mediaverantwoordelikhede te bestuur.
LEES OOK: MILJOENE GLO BESTEE OM MINISTER SE MEDIAKONFERENSIES TE SKEDULEER
Digital Vibes word deur Mkhize se voormalige persoonlike woordvoerder Tahera Mather en sy voormalige persoonlike assistent Naadhira Mitha beheer.
Die Spesiale Ondersoek-eenheid sê intussen hy sal ‘n verslag oor die bewerings teen Junie gereed hê.
Die departement het blootgesê hy soek meer tyd om op die bewerings te reageer, en sal wag vir die SOE se verslag.
