26 Januarie 2022
President Cyril Ramaphosa het die Spesiale Ondersoekeenheid (SOE) gemagtig om bewerings van korrupsie en wanadministrasie by Telkom te ondersoek.
Die ondersoek hou verband met die moontlike verkoop van iWayAfrica en Africa online Mauritius, asook Multi-Links Telecommunications Limited en of daar geld is wat moontlik weens die beweerde korrupsie verhaal kan word.
Die SOE se woordvoerder Kaizer Kganyago sê die ondersoek handel oor transaksies tussen 1 Junie 2006 en 25 Januarie 2022. Die SOE se woordvoerder Kaizer Kganyago sê die president se toegewing maak dit ook vir die eenheid moontlik om enige onwettige of onreëlmatige optrede deur werknemers van Telkom of enige belanghebbenes te ondersoek.
Hy sê die president het hulle toestemming gegee om toegang tot bankrekeninge te kry indien nodig.
Intussen het Telkom aan Pretoria FM gesê dat hul reeds hul eie ondersoek afgehandel het.
In die ondersoek is bevind dat twee werknemers by moontlike korrupsie betrek kan word en dat sowat 5-miljoen Amerikaanse dollar, wat verlore gegaan het, terugbesorg moet word.
