31 Mei 2022
Die VF Plus het sy kommer uitgespreek oor die lae vlak van suksesvolle vervolgings in sake wat met plaasaanvalle verband hou.
Bheki Cele, die minister van polisie, het in antwoord op ʼn parlementêre vraag van die VF Plus in die Nasionale Raad van Provinsies gesê dat slegs 632 verdagtes uit 1904 – van 2013 tot 2018 suksesvol vervolg is.
Die VF Plus se Noordwes verteenwoordiger in dié raad, Fanie du Toit sê ‘n vervolgingskoers van 30% vir misdrywe – wat ʼn wesenlike bedreiging vir die landbousektor en voedselsekerheid inhou – is nie aanvaarbaar nie.
Du Toit sê sý party het opnuut ʼn beroep op die owerhede gedoen om alles in hul vermoë te doen om dié misdaad hok te slaan en landbougemeenskappe te beskerm.
