18 Junie 2021
‘n Grootskaalse ondersoek is van stapel laat loop nadat ‘n Gautengse skoolhoof vanoggend in sy motor op die skoolterrein doodgeskiet is.
Die woordvoerder van die provinsiale onderwysdepartement, Steve Mabona sê daar is min besonderhede oor die voorval bekend en dat die LUR van onderwys, Panyaza Lesufi, vanoggend die skool besoek.
Hoewel sy naam nog nie bekend gemaak is nie het Mabona gesê die oorlede was die hoof van die Buyani Laerskool in Finetown, Johannesburg.
Die polisiewoordvoerder, kolonel Kay Makhubela sê die oorledene is verskeie kere in sy motor geskiet terwyl dit nog in die skool se oprit op die skoolterrein gestaan het. ‘n Saak van moord word tans ondersoek.
