10 August 2022
Sewe verdagtes is van die bendeverkragting van agt vroue in Krugersdorp aangekla.
Die mans was deel van 80 beweerde onwettige myners wat in hegtenis geneem is tydens klopjagte wat van stapel gestuur is ná die gru-voorval wat meer as twee weke gelede in West Village, Krugersdorp aan die Wes-Rand plaasgevind het.
Die sewe beskuldigdes het aanvanklik slegs tereggestaan op ‘n aanklag wat verband hou met onwettige verblyf in die land, maar is deur die slagoffers uitgeken.
Hulle staar nou op bykomende aanklagte tereg, onder meer veelvuldige aanklagte van verkragting, en roof met verswarende omstandighede.
