20 Desember 2024
Sewe gevalle van witseerkeel is by die Pollsmoor Korrektiewe Sentrum in die Wes-Kaap bevestig.
Die departement van korrektiewe dienste sê hy het streng voorkomings- en beheermaatreëls ingestel om die moontlike verspreiding van dié siekte in die gevangenis te bekamp.
Kontakopsporingspogings is begin nadat ‘n witseerkeelgeval by die Tygerberg-hospitaal bevestig is waarby ‘n voormalige gevangene betrokke was.
44 gevangenes is afgesonder nadat hulle kontak met die pasiënte gehad het.
Die provinsiale departement van gesondheid het ook vyf gevalle van witseerkeel in verskeie gebiede van die Kaapse metro bevestig.
