Die weermag het die afgelope vyf jaar meer as ‘n R100-miljoen aan seremoniële geleenthede bestee.
In antwoord op ‘n parlementêre vraag van die EFF se LP, Nqobile Mhlongo, het die minister van verdediging en militêre verterane, Angie Motshekga, dié syfers verskaf.
Volgens die minister is daar byna R60-miljoen in dié tydperk net aan militêre parades tydens die staatsredes bestee.
‘n Bykomende R42-miljoen is bestee aan parades tydens die herdenking van gewapende magte-dag.
Die DA se Chris Hattingh het reeds in Februarie aangedui dat die spandering aan militêre parades nie geregverdig kan word nie gegewe die gebrek aan die weermag se operasionele vermoë.
