1 Junie 2022
‘n Boer van Schoemanskloof in Mpumalanga is dood nadat aanvallers hom gisteraand deur die opstal se agterdeur geskiet het.
Sy vrou is vasgebind nadat die rowers toegang tot die huis kon kry.
Die vrou – wat se naam nog nie bekend gemaak is nie – kon vanoggend daarin slaag om haar los te wikkel voordat sy alarm gemaak het.
Albei die slagoffers is in hulle vroeë sestigs.
‘n Verteenwoordiger van die veiligheidsgroep Bossies Community Justice, Albert Greyvenstein sê die vrou is ernstig aangerand en sterk tans in die Rob Ferreira-hospitaal in Nelspruit aan.
