9 Desember 2024
Die staatsbeheerde seinverspreidingsmaatskappy, Sentech sê die SAUK skuld hom nou meer as R1-miljard vir dienste wat hy aan die nasionale uitsaaier gelewer het.
Sentech het aan die parlementêre portefeuljekomitee gesê dat ‘n betalingsooreenkoms tussen die twee entiteite nog gefinaliseer moet word vir die historiese skuld – wat terugdateer na Januarie 2023 toe.
In sy voorlegging voer die tegniese maatskappy aan dat die geld wat aan hom verskuldig is sy planne – om sy inkomste te diversifiseer -in die wiele gery.
Volgens sy jongste finansiële verslag het Sentech ‘n verlies van honderd-ses-en-veertig-miljoen-rand vir sy 2024-geldjaar tot einde Maart getoon.
