2 September 2021
Die Suid-Afrikaanse Maatskaplike Sekerheidsagentskap, SASSA het aan die parlementêre komitee gesê dat hy ongeveer R11-miljoen verloor het – nadat bykans 32 000 mense onregmatig voordeel getrek het uit die Covid-19 maatskaplike nood-toelaag.
SASSA se uitvoerende beampte belas met toelae-administrasie, Dianne Dunkerley het aan die komitee genoem dat die agentskap alle aansoekers eers ondersoek – nadat die ouditeur-generaal in ‘n verslag gemeld het dat 67-duisend mense moontlik onregmatig die vorige rondte se toelaes ontvang het.
Volgens Dunkerley is die betrokke betalings gestaak om ‘n verdere verlies te voorkom.
Sy het ook gesê dat die stelsel so ontwerp is dat die aansoekers elke maand eers weer beoordeel word – om nuwe inligting wat bygewerk is – in ag te neem voordat ‘n nuwe maand se uitbetalings gelaai word.
Stem vir die Aitsa’s
