4 Desember 2024
Vlieëniers van die Suid-Afrikaanse Lugdiens (SAL) het ‘n openbare kennisgewing uitgereik dat hulle van môre af (5 Desember) gaan begin staak.
Die werkgewer het aangedui dat hy alles in sy vermoë sal doen om dié staking te probeer afweer op die vooraand van die vakansieseisoen.
In ‘n voorlegging wat in Mei deur die vlieëniersvereniging ter tafel gelê is, het hulle aanvanklik ‘n 30% salarisverhoging geëis, maar dit is later aangepas na 15,7%.
Die werkgewer se jongste aanbod is net meer as 8% – wat van 1 April af betaalbaar is.
Die tussentydse uitvoerende hoof, John Lamola sê hoewel die redery ‘n beskeie wins getoon het, is sy finansies nog nie sterk genoeg om dié verhogings te bekostig nie.
